Ahoi dir léif Matbierger. Fir déi di mech nach net kennen ech sinn de Starsky Flor a wunnen an der schéiner Useldenger Gemeng.

 

Als Gewerkschaftler a fréiere Conseiller hunn ech Erfarunge gesammelt a weess och wat et heescht matzebestëmmen a matzegestalten. Déi flott Erfarunge wéilt ech hei och gären deelen. Als 41 Jore jonke Papp vu 4 Kanner (3 Prinzessinnen a 1 Prënz) a bestuet weess ech dass Famill wichteg ass an eiser Gesellschaft.

 

Ech sinn e Mënsch mat engem Häerz fir d’Gemeng an hir Awunner. Ech si bereet op déi nei Challenge, déi virun eis stinn an hoffen, dass Dir mir eng Chance gitt, fir zesumme fir d’Gemeng ze schaffen. Ech setze mech fir Leit  an, well et mir wichteg ass, dass kee vergiess soll ginn. Moto fueren, Vëlofueren a Spadséier goe gehéieren zu menge léifste Fräizäitaktivitéiten. Ech sinn der Meenung, dass et wichteg ass, d’Liewensqualitéit vum Bierger ze verbesseren, a besonnesch déi vun deenen, déi manner privilegiéiert oder manner Gléck hunn am Liewen. Mir ass et wichteg, den Zesummenhalt an der Gemeng ze stäerken an d’Vilfalt vum Veräinsliewen ze ënnerstëtzen. Et ass wichteg, zukunftsorientéiert a gerecht Léisungen ze fannen. Ech sinn der Iwwerzeegung, dass wann et de Leit gutt geet, da geet et mir och gutt.