Context:Aktualitéitsstonn zu der Organisatioun vun der Sécherheet am ëffentleche Raum
D’Chamber vun den Deputéierten stellt fest:
- dass e Kontrakt tëscht enger Gemeng an enger privater Sécherheetsfirma, dee virgesäit, dass am ëffentleche Raum solle Patrulle gemaach ginn, net vum Gesetz vun 2002 iwwer de Gardiennage ofgedeckt ass;
- dass et méiglech wär d’Kompetenzen vun den Agents municipaux auszeweiten, fir net mussen op privat Sécherheetsfimern zeréck ze gräifen;
- dass eng entspriechend Gesetzesännerung esou séier ewéi méiglech misst ausgeschafft ginn ;
Aus dëse Grënn invitéiert d’Chamber vun den Deputéierten d’Regierung:
- an der Chamber eng Ënnerkommissioun “Définition du rôle des agents municipaux” ze grënnen, fir de Sujet mat der néideger Drénglechkeet behandelen ze kënnen an ënnert anerem um Projet 7126, Projet de loi relative aux sanctions administratives communales modifiant 1° le Code pénal ; 2° le Code de procédure pénale; 3° la loi communale modifiée du 13 décembre 1988, ze schaffen.
Iwwert dës Resolution gouf net ofgestëmmt, well d’Ministesch versprach huet, dass si schonn am Abrëll Progrèsen am Dossier kéint virweisen.
