M. Marc Goergen (Piraten) | Här Di Bartolomeo, ech
hu leider net verstanen, wéi ech do laanschtgaange
sinn, wat Der gesot hutt, mee ech huelen un, et ass
eppes Feines.
M. Fernand Etgen, Président | Kommt zu Ärer Fro,
Här Goergen.
(Interruption)
M. Fernand Kartheiser (ADR) | Loosst Iech net
oflenken!
M. Marc Goergen (Piraten) | Här President, ech hu
mer e puer Suerge gemaach ëm eis Wandrieder am
Land. Et ass jo bekanntlech esou gewiescht, dass europawäit eng Cyberattack gefouert ginn ass géint
Wandrieder. An dofir geet meng Fro och un den Här
Turmes, ob dat zu Lëtzebuerg de Fall war, ob et do
Stéierunge gouf. A falls jo, a wéi engem Ausmooss
déi waren. An dann, wann et esou en Hackerugrëff
gëtt, ob mir hei zu Lëtzebuerg virbereet sinn, ob dat
néidegt Personal do ass, fir déi Situatioun ze regléieren. Well et kann ee jo dovun ausgoen, dass et warscheinlech net dee leschten Hackerugrëff war. An et
wär jo awer gutt, wa mer do virbereet wären.
Merci.