Eng Fro gouf gestallt op fro.lu.
Am September dëst Joer soll den Tram prett sinn, fir Persoune bis op Bouneweg ze transportéieren. Et ginn doriwwer eraus nach weider Aspekter ronderëm de Chantier vum Tram, déi et fäerdeg ze stelle gëllt. Esou war geplangt, dass bis Enn 2021 sollt de Foussgängerwee vum Millewee op de Pont Büchler fäerdeg gestallt sinn.
An deem Zesummenhang hu mir der Regierung dës Froe gestallt:
-
Wouduerch ass d’Fäerdegstelle vun dësem Foussgänger- a Vëloswée a Verspéidung geroden?
-
Kann de Minister een Datum ginn, wéini deen Accès piéton/vélo zum Pont Büchler, dee jo zur Mobilité douce bäidréit, fäerdeggestallt gëtt ?
Fro n°5898
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
QP Nummer 5898
