Context:
8587 Alphabetiséierung op Franséich
D’Chamber vun den Deputéierten stellt fest:
- De Projet de loi 8587 ass e Projet deen op national ausgeluechten Iwwerleeungen opbaut, an net vun enger Gemeng initiéiert ginn ass.
- Et bestinn Ënnerscheeder wat déi staatlech finanziell Ënnerstëtzung vum Bau vun Europaschoulen a vum Bau vu klassesche Schoulen an eise Gemengen ugeet.
- De Projet de loi 8587 wäert fir d’Gemengen extraordinär Käschte mat sech bréngen, besonnesch am Kader vun der Upassung vun der existenter Struktur an de mënschleche Ressourcen.
Aus dëse Grënn invitéiert d’Chamber vun den Deputéierten d’Regierung:
- De Staat soll déi zousätzlech Käschten, déi fir d’Gemengen am Kader vun dem Projet de loi 8587 entstinn a kloer kënnen zougeuerdent ginn, integral iwwerhuelen.
