Am Arrêt n°191 huet d’Verwaltungsgericht festgehalen, datt d’Reegelungen bei der Pré-Pensioun, déi een Ënnerscheed maachen tëscht dem Statut vum Salarié an dem Indépendant, net verfassungskonform sinn. Dëst, well se d’Leit mat enger “activité non-salarié” an der Pensioun benodeelegen. Wéi an engem rezenten Artikel am Journal ugefouert gëtt, informéiert d’Pensiounskeess (CNAP) kengesweegs iwwert dës Entscheedung op hirem Internetsite. Hei liest een nach ëmmer, datt een als Indépendant an der Pré-Pensioun maximal 752,32€ Brutto de Mount dierf verdéngen, well een d’Pensioun soss gestrach kritt: “https://cnap.public.lu/fr/pensions/pension-vieillesse-anticipee/pension-vieillesse-anticipee.html” Wéi de Journal richteg erkläert, ass et wichteg, datt d’CNAP op hirem Internetsite op dës Gerichtsdecisioun opmierksam géif maachen, fir datt d’Bieger kënnen eng informéiert Decisioun huelen.
An deem Zesummenhang hu mir der Regierung dës Fro gestallt:
Wäert d’Ministesch bei der CNAP intervenéieren, datt den Site op d’Urteel vum Verwaltungsgericht opmierksam mécht an d’Folgen vun dësem Urteel erkläert? Dëst sou laang bis eng Gesetzesännerung a Kraaft ass?
QP Nummer 1028
