Context:
Gesetzesprojet n°8322
D’Chamber vun den Deputéierten stellt fest:
- Am Koalitiounsprogramm vun 2018-2023 hat sech déi vireg Regierung verflicht, fir de Busreseau (RGTR) bis 2030 emissiounsfräi ze maachen duerch den Ausbau vun enger Flott vun Elektrobusser. Dës Moossnam ass och am Klima- an Energieplang (Moossnam n°414) festgehalen, zu deem dës Regierung sech bekennt.
- Mam Gesetzesprojet n°8322 soll “la mise en place progressive des infrastructures de chargement pour les bus électriques” an “une augmentation globale de 25% sur dix ans du coût de l’entretien du parc électrique par rapport au parc diesel en raison du coût engendré par le remplacement des batteries” finanzéiert ginn.
- D’Luetstatioune vun den CFL stinn aktuell nëmmen den CFL-Busser zur Verfügung, wat net sënnvoll ass, well de Risiko besteet, dass Luetstatiounen duebel nieftenee gebaut ginn, aplaz eng gemeinsam Struktur a Synergien ze notzen.
Aus dëse Grënn invitéiert d’Chamber vun den Deputéierten d’Regierung:
- fir d’CFL-Luetstatiounen, do wou et méiglech ass, fir all Busoperateuren opzemaachen, soudass all Elektrobus Stroum op dëse Bornë lueden a bezuele kann.
