Fir de 26ten September ass eng Tripartite am Aviatiounssecteur virgesinn, fir iwwert Situatioun bei der Luxair ze schwätzen a Léisungen ze fannen. De Minister huet an engem RTL Interview ugedeit, datt doriwwer wäert diskutéiert gi fir de Chômage partiel bei der Luxair net méi virunzeféieren.
An deem Zesummenhang hu mir der Regierung dës Froe gestallt:
-
Fir wéi vill Persounen huet Luxair säit Mäerz 2020 Chômage partiel ugefrot (opgelëscht no Mount)?
-
Wéi vill Persounen huet Luxair detachéiert säit Mäerz 2020 (opgelëscht no Mount)?
-
Wéi vill Persoune goufe säit Mäerz 2020 entlooss?
-
Ginn et Fäll, wou op Positiounen vun deenen uewe genannte Gruppen duerch Externer ersat goufen? Wou zum Beispill eng Persoun vum Luxair Personnal am Chômage partiel war, hir Aarbecht awer duerch eng Persoun vun enger externer Firma iwwerholl gouf?
QP Nummer 6734
