Sven Clement (Piraten) | Merci, Här President.
Merci och dem Rapporteur fir säi mëndlechen a
schrëftleche Rapport.
Dat heiten ass, wéi d’Virriednerinnen an d’Virriedner
gesot hunn, e klengt Legosstéck an engem grousse
Ganzen, wou definitiv dat lescht Wuert, mengen ech,
nach net geschwat ginn ass, wou och nach ganz vill
Froen opbleiwen. Mee dorunner gëtt aktiv geschafft.
Nichtsdestotrotz ass et wichteg, dat heiten haut ze
stëmmen. An dofir ginn och mir eisen Accord.