Piratepartei wielt am Zentrum eng nei Ekip fir d’Waljoer 2023
D’Piratepartei huet den 12. Oktober zu Izeg en neie Comité fir de Bezierk Zentrum gewielt. Als Spriecher goufen d’Mandy Arendt, Gemengeconseillère vu Colmar-Bierg an de Mathis Godefroid gewielt. De Jerry Weyer wäert fir déi nächst 2 Joer als Koordinator de Bezierk Zentrum leeden.
Weider am Comité gewielt goufen d’Marie-Marthe Muller als Trésorière, an als weider Comitésmemberen Edgar Bisenius, Pascal Clement, Nadine do Carmo, Jean Heuschling a Luka Krauss.
Prioritéite vum neie Comité sinn d’Opstelle vun de Sektioune fir d’Gemengewalen 2023, mam Ziel mat weider Pirat:innen an d’Gemengeréit anzezéien.
Donieft ginn an de nächste Méint d’Chamberwale vun 2023 preparéiert, wou de Bezierk Zentrum sech mam Sven Clement als designéierte Spëtzekandidat wäert präsentéieren.
Fir weider Informatiounen ass de Koordinator vum Bezierk Zentrum Jerry Weyer op zentrum@piraten.lu an +352 661 860 401 z’erreeschen.
Kontakt Piratepartei Lëtzebuerg
ahoi@piraten.lu | +352 20 33 37
Kontakt Piratepartei Bezierk Zentrum:
zentrum@piraten.lu | +352 661 860 401 | Jerry Weyer
Kontakt Sektioun Stad Lëtzebuerg:
stad@piraten.lu | Pascal Clement
