Eis gouf zougedroen, dass zu New York d’Residenz vum lëtzebuerger Ambassadeur bei der UN grad renovéiert gëtt. Dës Residenz gehéiert dem Staat. Fir d’Zäit vun de Renovatiounsaarbechte lount de Lëtzebuerger Staat aktuell angeblech fir vill Suen een Appartement am Trump Tower op der 5th Avenue. An dësem Gebai huet souwuel den Donald Trump wéi och eng Rei vu senge Familljemember eng Wunneng. Zudeem huet d’Trump Organization an dësem Gebai e Sëtz.
An deem Zesummenhang hu mir der Regierung dës Froe gestallt:
-
Kann de Minister bestätegen, dass dës Informatiounen der Realitéit entspriechen?
-
Fir wéi vill Dollar gëtt d’Appartement am Trump Tower pro Mount gelount?
-
Wéi laang sollen d’Renovatiounsaarbechten dauere respektiv fir wéi vill Méint gëtt d’Appartement am Trump Tower gelount?
-
Ass de Minister der Meenung, dass et moralesch ze vertrieden ass, dass ausgerechent am Trump Tower eng Wunneng gelount gouf?
-
Ass de Minister der Meenung, dass d’Loune vum Appartement am Trump Tower een diplomatesche Faux-pas duerstellt?
QP Nummer 8268
