Zu Lëtzebuerg ass et esou, dass eng Persoun, nom Doud vu sengem Liewenspartner, no enger Transitiounsphas vun 3 Joer aus der Steierklass 2 erausfält. Dëst bedeit, dass Persounen 3 Joer nom Doud vun hirem Partner vill méi Steiere musse bezuelen. Dës Persounen, déi schonn duerch den Doud vun engem geléiwte Mënsch ee Schicksalsschlag erliewen, ginn duerno wéinst hirer néier Liewenssituatioun nach finanziell vum Staat bestrooft.

An deem Zesummenhang hu mir der Regierung dës Froe gestallt:

1. Wéi vill Persoune goufen an deene leschte 5 Joer nom Doud vun hirem Partner aus der Steierklass 2 ausgeschloss, opgelëscht no Joer?

2. Op wéi vill Recettë géif de Staat verzichten, wann een dës Dispositioun géif am Sënn vun de Wittmänner- a Fraen änneren, oder anescht gesot: wat géif et de Staat kaschten, wann een d’Witwesteier géif ofschafen an dës Persoune weiderhin an der Steierklass 2 bleiwen?

Verlaf an der Chamber

QP Nummer 5212