Am Kader vun den Affären C-623/17, C-511/18, C-512/18 an C-520/18, déi vum europäesche Geriichtshaff um Kierchbierg traitéiert goufen, an sech mat der Konformitéit vun nationale Gesetzer zur Vorratsdatespäicherung mat den europäeschen Norme befaasst hunn, huet de Generalaffekot Campos Sánchez-Bordona sech dofir ausgeschwat, datt national Gesetzer sech mussen um Etat de droit moossen. Am Pressecommuniqué gëtt hien zitéiert mat de Wierder:
“les moyens et les méthodes de la lutte antiterroriste doivent répondre aux exigences de l’État de droit”.
Déi Affären, déi hei traitéiert ginn, si véier renvois préjudiciels fir d’Rechtssécherheet nom Arrêt Tele2 ze kréien. A sengem Avis seet de Generalaffekot, datt déi national Gesetzer déi hei examinéiert ginn, géint d’Proportionalitéit verstousse géifen.
An deem Zesummenhang huet de Sven Clement der Justizministesch dës Froe gestallt:
- Huet d’Regierung déi véier Affäre suivéiert?
- Ass d’Regierung der Meenung, datt aus dem Avis vum Generalaffekot och Konklusiounen iwwert d’Legitimitéit vun der lëtzebuergescher Virratsdatespäicherung gezu kënne ginn?
- Plangt d’Regierung e Moratoire am Kontext vun der Virratsdatespäicherung, falls den Avis vum Generalaffekot vun der Cour géif bestätegt ginn? Falls nee, firwat net?
- De Generalaffekot sot zum Erhale vum belsche Gesetz:
“Ce maintien ne peut durer que le temps strictement nécessaire pour remédier à l’incompatibilité susvisée.”
Wéi schätzt d’Regierung d’Kompatibilitéit vun der lëtzebuergescher Virratsdatespäicherung an dem EU-Recht an?Awéifern ënnerscheed déi lëtzebuergesch Gesetzgebung sech an dësem prezise Fall vun der belscher?
Envisagéiert d’Regierung d’Méiglechkeet de lëtzebuergeschen Gesetzestext vun der CJUE préiwen ze loossen, fir Rechtssécherheet ze kréien? Falls net, plangt d’Regierung den Text z’abrogéieren?
