ACCOUNT

Vertrieder vun der Personaldelegatioun an zum Deel staatleche Firmen – Nofro

An der parlamentarescher Fro n°339 vum Februar 2019 hat ech opgrond vu Berichter vum Radio 100,7 nogefrot, ob all d’Firmen, bei deenen de Staat méi wéi 25% vum Kapital hält, sech un den Artikel L.426-1 (2) vum Code de travail halen, an ee Vertrieder vun der Personaldelegatioun an hirem Verwaltungsrot hunn. Deemools hat de Minister konforméiert, dass bei 17 vun den 22 betraffene Firmen, kee Vertrieder vum Personal am Verwaltungsrot siegéiere géif.

An deem Zesummenhang hu mir der Regierung dës Froe gestallt:

  1. A wéi ville Firmen hält de Staat aktuell 25 oder méi Prozent vum Kapital? Bei wéi villen dovunner ass e Vertrieder vun der Personaldelegatioun am Verwaltungsrot? Bei wéi engen net?

  2. Wéi vill Firmen, a wéi eng, hunn zwar e Member vum Personal am Verwaltungsrot, mee sinn net am groussherzoglechen Arrêté vum 11. August 1974 opgelëscht?

  3. An der Äntwert op d’Fro 339 heescht et:  “”Den Aarbechtsministère wäert no der Installatioun vun den neien Personaldelegatiounen e Courrier un déi betraffen Gesellschaften adresséiere fir se op d’Bestëmmunge vun den Artikelen L. 426-1 bis L. 426-4 vum Code du Travail opmierksam ze maachen.”” Sinn d’Ministere bei dëse Firmen intervenéiert, fir esou séier wéi méiglech eng Konformitéit mam Gesetz hierzestellen? 

Verlaf an der Chamber

QP Nummer 4273

Zesummenhang posts

Eng Fro gouf gestallt op fro.lu. Aarbechtssichender, déi bei der ADEM ageschriwwe sinn, an déi de Statut vun engem Travailleur handicapé hunn, kënnen an
D’Gesetz vum 14te Juli 2015 reglementéiert den Accès zum Beruff vum Psychotherapeut. Et kann een ee Master an der klinescher Psychologie hunn, aner Diplomer
An hirer Äntwert op meng Question parlementaire n°7357 huet d’Ministesch geschriwwen, dass zum deemolegen Zäitpunkt insgesamt 388 Kanner a Jugendlecher duerch d’Geriichtsuerteeler vun deenen