Dës Fro ass per Mail un eis adresséiert ginn. Wëllt dir och eng parlamentaresch Fro stellen? Dann gitt op http://fro.lu a proposéiert är Fro un d’Regierung!

D’Digitaliséierung huet e groussen Afloss op den Aarbechtsmarché. Grad am Beräich vun Ausbildungs- an Aarbechtsplazen op CCP-Niveau stellen automatiséiert Aarbechtsofleef eng Konkurrenz zum traditionelle Salarié duer, esou dass d’Unzuel u fräie Plazen ëmmer méi limitéiert ass. Fir Persounen trotz dësen aktuellen Erausfuerderungen den Zougang zu fräien Ausbildungsplazen ze vereinfachen, kennen Interesséierter beim Beruffsinformatiounszentum (BIZ) Dokumenter ufroen, op deene fräi Ausbildungsplazen opgefouert ginn. 

An dësem Zesummenhang huet de Sven Clement dem Bildungsminister an dem Wirtschaftsminister folgend Froe gestallt:

• Wéi eng Entitéit ass Zoustänneg, fir d’Informatiounen aus den Dokumenter vum BIZ mat der tatsächlecher Offer un Ausbildungsplaze à jour ze halen?
• Wéi oft ginn d’Dokumenter vum BIZ à jour gesat?
• Ginn Ausbildungsplazen a Beruffer, déi iwwert en CCP an en DAP accessibel sinn, getrennt no de jeeweilege Formatiounen opgelëscht oder gëtt et eng gemeinsam Lëscht fir Ausbildungsplaze fir CCP- an DAP-Formatiounen? Falls Leschtes de Fall ass, firwat gëtt hei net differenzéiert?