- March 24, 2023
- 8:05 am
- Motiounen
Context: Interpellation n°3075: Perspectives de développement de l’économie luxembourgeoise D’Chamber vun den Deputéierten stellt fest: Déi europäesch Zentralbank huet bannent engem Joer de Leetzëns
D’Verhandlunge ronderëm de geplangte Remboursement vun der Psychotherapie duerch d’Krankekeesen hale weider un. Ëmmer nees gi vun de Ministeren nei Datumer genannt, un deenen sech d’Verhandlungsparteie wäerten zesummesetzen, fir e finalen Accord ze fannen, mee bis elo ouni Resultat. Dobäi ass d’Urgence grouss a vill Patiente waarde säit Joren op d’Méiglechkeet, dass d’Käschte vun der Psychotherapie vun de Keesen iwwerholl ginn.
An deem Zesummenhang hu mir der Regierung dës Froe gestallt:
Wéini waren déi lescht Verhandlungen an dësem Dossier?
Wat ass den aktuelle Stand vun de Verhandlungen?
Firwat gëtt keen Accord fonnt?
Wéi gesinn déi aktuell Positioune vun de Verhandlungsparteien aus a wisou loossen sech dës net vereenegen?
Wéi eng Pisten huet d’Regierung an de vergaangenen 12 Méint probéiert, fir een Accord z’erreechen?
Wat gedenkt d’Regierung an Zukunft ze maachen, fir den Dossier net nach weider laang Joren onclôturéiert ze loossen?
Ass d’Regierung der Meenung, dass fräischaffend Psychotherapeute mat Praxissen, déi dezentral iwwert d’Land verdeelt sinn, en essentielle Pilier vun der medezinescher Prise en charge am Beräich vun der Santé mentale duerstellen?
Oder gesäit d’Regierung de Fokus vun hirer Gesondheetspolitik hei éischter bei Behandlungen duerch Psychotherapeuten an zentrale Strukture wéi z.B. Spideeler?
Wéi beaflosst dës Approche zu engem éischter zentraliséierten oder dezentraliséierte System d’Verhandlunge ronderëm de geplangte Remboursement vun der Psychotherapie?
QP Nummer 6125
