Den Handel iwwert d’sozial Medien hëlt ëmmer méi grouss Enverguren un. Duerch Annoncen an och Live Streams gi mëttlerweil grouss mengen u Wuere verkaaft. Ee klore gesetzleche Kader, wéi een als privat Persoun dëst Akommes muss deklaréieren, schéngt et awer nach net ze ginn.
An deem Zesummenhang hu mir der Regierung dës Froe gestallt:
-
Muss eng privat Persoun d’Akommes aus Venten op soziale Medie bei der Steierverwaltung uginn? Falls jo, ab wéi engem Montant?
-
Ab wéi engem Montant braucht eng Privatpersoun eng Autorisation d’établissement?
-
Gesäit de Ministère d’Gefor, dass Betriber ënnert dem Numm vu privat Persounen Wueren op de soziale Medie kënne verkafen, fir esou eng Besteierung ze ëmgoen?
QP Nummer 4589
