Wéi de Gesondheetsministère haut op de sozialen Netzwierker matdeelt, sollen Impfzertifikater fir Reesen an Europa opgrond vun enger EU-Virschrëft nëmmen nach 9 Méint gëlteg sinn. Laut Matdeelung soll dat och fir d’Zertifikater, déi eng Booster-Impfung festhalen, gëllen. D’Tageschau mellt am Artikel “Ohne Booster noch neun Monate gültig” allerdéngs, dass den Booster-Zertifikat onbegrenzt gülteg ass. Am Covid-Gesetz ass am Artikel 3bis ze liesen: “La validité du certificat de vaccination est de deux cent soixante-dix jours à compter de la date à partir de laquelle le schéma vaccinal est considéré comme complet. La validité du certificat relatif à la vaccination de rappel est illimitée.”
An deem Zesummenhang hu mir der Regierung dës Froe gestallt:
-
Op wéi eng EU-Virschrëft bezitt sech de Ministère hei?
-
Gëllt d’Limitatioun vun 9 Méint bei Reesen an Europa nëmmen fir Zertifikater, déi ee kompletten Impfschéma festhalen, oder och fir Zertifikater no enger Booster-Impfung?
-
Am Fall wou dës Virschrëft sech och op Booster-Impfunge bezitt, wäert Lëtzebuerg dës Virschrëft applizéieren?
De Ministère huet säin Post ronn 40 Minutte no eiser Fro verbessert.
QP Nummer 5650
