ACCOUNT

Urwal bei de Piraten zu de Verfassungsännerungsvirschléi

Aktuell leien an der Chamber véier (4) Verfassungsännerungsvirschléi vir. Well d’Piraten fannen, datt de Bierger gefrot soll ginn wann et ëm eng Reform oder eng Revisioun vum wichtegste Gesetz geet, dat mir hei am Land hunn, huet d’Parteileedung an hirer Sëtzung vum 6. Oktober 2021 decidéiert, bei all hire Memberen eng Urwal zu dëser Fro ze organiséieren.

Dat ass elo geschitt: d’Memberen sinn ugeschriwwe ginn a konnten per Bréifwal, anonym, ofstëmmen. Si haten eng Woch Zäit dofir. Wëll mir a Präsens vu gläich véier (4) Verfassungsännerungsvirschléi sinn, konnten si sech och véiermol prononcéieren an dat hunn dann och eng ganz Rei vun hinne gemaach:

  • Bei der Propositioun 7575, déi sech mat der Justiz zu Lëtzebuerg befaasst, sinn 81,1% vun de Memberen fir dëse Verfassungsännerungsvirschlag, 10,3% sinn dogéint an 8,6% hu sech enthalen.
  • Bei der Propositioun 7700, déi sech mat der Organisatioun vum Staat befaasst, sinn 82,7% vun de Memberen fir dëse Verfassungsännerungsvirschlag, 12,1% sinn dogéint a 5,2% hu sech enthalen.
  •  Bei der Propositioun 7755, déi sech mat de Rechter a Flichte vun de Bierger befaasst, sinn 79,3% vun de Memberen fir dëse Verfassungsännerungsvirschlag, 15,6% sinn dogéint a 5,2% hu sech enthalen.
  •  Bei der Propositioun 7777, déi sech mat der Deputéiertechamber a mam Conseil d’Etat befaasst, sinn 84,5% vun de Memberen fir dëse Verfassungsännerungsvirschlag, 12,1% sinn dogéint a 3,4% hu sech enthalen. (Stand: 21.10.2021)

 

Nom 21ten Oktober sinn nach weider Ziedelen ukomm esou dass mir haut dës Zuele kënne nennen:

  • Bei der Propositioun 7575, déi sech mat der Justiz zu Lëtzebuerg befaasst, sinn 83,3% vun de Memberen fir dëse Verfassungsännerungsvirschlag, 9,1% sinn dogéint an 7,6% hu sech enthalen.
  • Bei der Propositioun 7700, déi sech mat der Organisatioun vum Staat befaasst, sinn 86,8% vun de Memberen fir dëse Verfassungsännerungsvirschlag, 9,2% sinn dogéint a 4% hu sech enthalen.
  • Bei der Propositioun 7755, déi sech mat de Rechter a Flichte vun de Bierger befaasst, sinn 80,3% vun de Memberen fir dëse Verfassungsännerungsvirschlag, 15,1% sinn dogéint a 4,6% hu sech enthalen.
  • Bei der Propositioun 7777, déi sech mat der Deputéiertechamber a mam Conseil d’Etat befaasst, sinn 84,8% vun de Memberen fir dëse Verfassungsännerungsvirschlag, 12,1% sinn dogéint a 3,1% hu sech enthalen. (Stand 25.10.2021)

 

 

D’Piraten soen hire Membere Merci, datt si bei dëser Urwal matgemaach hunn a si esou eendeiteg fir déi betraffe Verfassungsännerungsvirschléi gestëmmt hunn. Well d’Sensibilitéit vun de Piraten ganz kloer fir e Referendum ass, hunn déi zwee Deputéiert Sven Clement a Marc Goergen d’Plattform Matbestemmung.lu an d’Liewe geruff.    

Zesummenhang posts

An der Äntwert op eng virrecht parlamentaresch Fro (n°7226) huet den Aarbechtsminister erkläert, dass Persounen an enger Aarbechtsmesure bei der ADEM (OTI, CAE, CIE,
Es heißt nicht umsonst, dass Gewalt viele Gesichter hat, denn es gibt unterschiedliche Arten von Gewalt und unterschiedliche Opfer von Gewalt, auch in Beziehungen.