Et gouf un eis eru gedroen, dass et rezent zu ville Verspéidunge bei den Arrivéeë vun de Passagéierflich hei um Findel géif kommen. Dëst, well d’Direction de l’Aviation Civile (DAC), der Administration de la navigation aérienne (ANA) géif virschreiwen, dass d’ANA just nach 12 Arrivéeën an der Stonn, amplaz vun deene bis dohi méiglechen 20, dierf erlaben.
An deem Zesummenhang hu mir der Regierung dës Froe gestallt:
- Kann de Minister bestätegen, dass d’DAC der ANA viru kuerzem virgeschriwwen huet, just nach 12 Arrivéeën an der Stonn ze erlaben?
- Sollt dës Limitatioun an der Unzuel vun de méiglechen Arrivéeë pro Stonn der Realitéit entspriechen, firwat ass et zu dëser Ännerung komm?
- Wéi vill Vollen am Passagéiertransport landen, opgeschlësselt pro Mount, pro Joer um Findel?
QP Nummer 7950
