Unzeeche vu Mëssbrauchsfäll bei Kanner: Professioneller aus de Bildungs- a Betreiungsstrukturen éischten Uspriechpartner?

Published by Sven Clement on

Leider kennt et ëmmer erëm vir, dass Professioneller aus dem sozio-edukative Beräich feststelle mussen, dass Kanner oder Jugendlecher kierperlechem, sexuellem oder psychologesche Mëssbrauch ausgesat sinn.

D’Personal aus de Crèchen, de Maisons Relais, de Schoulen an de Lycéeë verbréngt vill Zäit mat de Kanner a gëtt esou oft zu engem éischten Uspriechpartner vu Jonken, déi Gewaltsituatiounen erliewen. Well gläichzäiteg awer vill Kanner, déi an engem abusiven Ëmfeld opwuessen, sech net trauen explizitt iwwert hier traumatesch Erliefnesser ze schwätzen, mussen déi Professionell aus de verschiddene Bildungs- a Betreiungsstrukturen och op bestëmmten Unzeeche bei de Kanner oppassen, déi als Signal fir eng Form vu Mëssbrauch ze verstoe kéinte sinn.

An deem Zesummenhang huet den Sven Clement de Ministeren fir Bannenzeg Sécherheet & Bildung dës Froe gestallt:

  1. Wéi vill Mëssbrauchsverdachtsfäll u Kanner goufen an de leschte 5 Joer pro Joer vu Säite vu Persounen aus dem Bildungs- an Erzéiungssecteur bei der Police gemellt ?
  2. Wéi séier reagéiert d’Police an esou engem Fall an der Moyenne? Geet d’Police all Verdachtsfall no?
  3. Wéi vill Beamte këmmeren sech bei der Police ëm Signalementer vu Mëssbrauchsfäll?
  4. Wéi ginn d’Aarbechten an d’Fäll an dësem Beräich prioriséiert, wann eng Surcharge virläit? Ginn et do bestëmmten intern Richtlinnen?
  5. Wéi vill Iwwerstonne sinn an deene leschte 5 Joer pro Joer bei deene Beamten, déi sech em d’Aarbechten am Zesummenhang mat Signalementer vu Mëssbrauchsfàll këmmeren, ugefall? Plangt de Minister dës Unitéit ze vergréisseren?
  6. Wéi eng aner Méiglechkeete wéi e Signalement bei der Police hu Professioneller aus dem Bildungs- an Erzéiungswiesen, fir Jonker virun engem abusiven Ëmfeld ze schützen?


1 Comment

Edgar Bisenius · March 16, 2020 at

Il y a un rapport de la ville de Luxembourg.
“Service médical de l’enseignement ou +- 700 enfants sur 5 années on vécu une atteinte à la pudeur. Rapport connu du ministère de l’enseignement.
Les ‘atteintes vient du personnel médical de ces services.
Sans procès contre les parents ou autres et pas de poursuites pour les auteurs.
Parle avec madame Feipes , Polfer Keupe et Marte pour plus ou pas information.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.