D’Ukrain-Kontaktgrupp huet sech eng leschte Kéier zu Ramstein getraff, ier den Donald Trump nees säin Amt untrëtt. Dës Grupp war an der Vergaangenheet zentral fir d’Koordinatioun vu Waffeliwwerungen an d’Ënnerstëtzung vun der Ukrain.
Mat der Erausfuerderung vun engem Muechtwiessel an den USA an dem Donald Trump sengem Zeréckkommen an d’Wäisst Haus, ginn et Froen iwwert d’Zukunft vun dësem wichtege Format a wéi eng Roll et an Zukunft nach wäert spillen.
An deem Zesummenhang hu mir der Regierung dës Froe gestallt:
-
Wéi gesäit d’Lëtzebuerger Regierung d’Zukunft vun der Ukrain-Kontaktgrupp no de rezenten Entwécklungen an den USA?
-
Wäert Lëtzebuerg sech dofir asetzen datt d’Grupp an hirem aktuelle Format bäibehale gëtt an d’Ënnerstëtzung fir d’Ukrain onvermënnert virugeet?
-
Wéi kann d’EU eventuell eng méi grouss Roll an dësem Kontext iwwerhuelen, fir de laangfristegen Impakt vun den US-Walen op d’Ënnerstëtzung fir d’Ukrain ze limitéieren?
QP Nummer 1748
