Am Kader vum Treaty on the Prohibition of Nuclear Weapons (TPNW) hunn d’Memberstaten sech am November 2023 zu New York getraff. Verschidden NATO-Memberstaaten, dorënner eis Nopeschlänner Däitschland a Belsch, hunn als Observateuren un dësem Meeting deelgeholl. Dëst weist eng Bereetschaft vu verschiddenen NATO-Staaten, sech konstruktiv mat dësem wichtegen Theema auserneen ze setzen. Och dëst Joer signaliséieren dës Länner nees wëllen deelzehuelen.
An der Äntwert op meng parlamentaresch Fro n°15 vum 10. November 2023 hat de Minister matgedeelt, datt Lëtzebuerg net als Observateur bei den TPNW-Meetinge géif deelhuelen. Well eis direkt Nopeschlänner awer elo dëse Schrëtt gemaach hunn, stellt sech d’Fro ob dës Positioun nach ëmmer déi selwecht ass.
An deem Zesummenhang hu mir der Regierung dës Froe gestallt:
-
Huet d’Regierung hier Positioun bezüglech enger Participatioun als Observateur bei TPNW-Meetingen iwwerduecht, nodeems eis Nopeschlänner Däitschland a Belsch am November 2023 als Observateuren um Meeting zu New York deelgeholl hunn?
-
Wéi eng Grënn schwätzen aus der Siicht vun der Regierung géint eng Participatioun als Observateur bei TPNW-Meetingen, wou d’NATO-Partner Däitschland, Belsch an Norwege reegelméisseg als Observateuren deelhuelen?
-
Gëtt et Gespréicher mat aneren NATO-Memberstaaten iwwert eng méiglech gemeinsam Approche bezüglech dem TPNW an enger eventueller Participatioun als Observateur bei de Meetingen?
-
Gëtt et eng Ofstëmmung op EU-Niveau betreffend der Reunioun vun dësem Joer, wëssend datt verschidden EU-Member (Éisträich an Irland) Partie vum Traité sinn?
QP Nummer 1797
