Säit Joren klammen d’Wunnengspräisser zu Lëtzebuerg. Ëmmer méi Jonker, ma och eeler Leit a Famillen hu Problemer sech eng Wunneng ze kafen oder ze lounen. Dës trëfft jiddereen : Op Auslänner oder Lëtzebuerger. Duerch dës Entwécklung sinn d’Liewensënnerhaltskäschten ëmmer méi erdréckend. Vill Leit aus dem Ausland schrecken d’Immobiliëpräisser an déi héich Niewekäschten zu Lëtzebuerg mëttlerweil of a si zéien ee Plus u Liewensqualitéit enger méi héijer Pai zu Lëtzebuerg fir.

An deem Zesummenhang wéilt ech de Ministeren dës Froe stellen:

1. Här Minister, wéi héich ass ärer Aschätzung no den wirtschaftleche Schued fir de Grand-Duché, deen duerch déi héich Immobiliëpräisser an déi héich Loyeren entsteet ?
2. Här Minister, hunn déi héich Immobiliëpräisser an déi héich Loyeren ärer Meenung no en Afloss op d‘Kompetitivitéit an d’Attraktivitéit vum Standuert Lëtzebuerg?