Rezent sollen e puer Journalisten temporär hiren Zougang fir den RBE (Registre des Bénéficiaires Effectifs) gespaart kritt hunn, nodeems si eng Rei Ufroe gemaach haten. Den Zougang gouf eréischt no e puer Stonnen nees fräiginn.
An deem Zesummenhang hu mir der Regierung dës Froe gestallt:
-
Ass et richteg, dass Persounen um RBE kënne gespaart ginn, wa si vill Ufroe maachen, an dass dat och an der Vergaangenheet scho gemaach ginn ass?
-
Falls jo:
Handelt et sech heibäi em eng automatiséiert oder manuell Spärung?
Ab wéi vill Ufroen a wéi engem Zäitraum kënnt et zu enger Spärung?
Wisou kënnen och Persoune gespaart ginn, déi iwwert hiren Token perséinlech ageloggt sinn an esou eendeiteg identifizéiert kënne ginn? Wat ass d’Zil vun dësem Spärungs-System?
-
Falls nee:
Wat huet déi temporär Spärungen ausgeléist?
QP Nummer 7618
