Bei dem Dossier de protection jeunesse handelt et sech ëm Dossiere vu Kanner, déi an enger Institutioun placéiert ginn, well e Jugendriichter eng physesch, psychesch oder moralesch Gefor fir si an hirem aktuellen Ëmfeld gesäit. D’Gesetz gesäit fir, dass dës Dossieren ab dem Zäitpunkt vum Placement all dräi Joer vum Jugendriichter musse kontrolléiert ginn, fir ze kucken, ob de Besoin vun engem Placement vum Kand nach ëmmer noutwenneg ass oder net.

An deem Zesummenhang hu mir der Regierung dës Froe gestallt:

1. Zënter 2010 an opgelëscht pro Joer, a wéi ville Fäll goufen dës Kontrollen no dräi Joer net gemaach?

2. Wat sinn d’Grënn dofir, dass dës Kontrollen net ewéi vum Gesetz virgesinn, gemaach goufen?

3. A Fäll, wou dës Kontroll no dräi Joer net gemaach gouf, wat fir Méiglechkeeten hunn déi biologesch Elteren oder aner Familjememberen, fir esou eng Kontroll an d’Weeër ze leeden?

Verlaf an der Chamber

QP Nummer 7357