Wéi am Magasinn vun der HORESCA ze liesen ass, konnt d’Federatioun d’Budgetsjoer 2020 mat engem Plus vu 75.000 Euro ofschléissen, an dat obwuel eng ganz Rei Memberen am Joer 2020 net cotiséiert hunn, wéinst der schwéierer wirtschaftlecher Situatioun opgrond vum Covid-19. Erkläert gëtt den erstaunleche Surplus duerch Ënnerstëtzunge vu Säite vun der Chambre de Commerce an dem Mëttelstandsministère.
An deem Zesummenhang hu mir der Regierung dës Froe gestallt:
Mat wéi vill Euro huet de Mëttelstandsministère d’HORESCA am Joer 2020 finanziell ënnerstëtzt?
Waren d’Ënnerstëtzungen zweck- an zilgebonnen oder huet et sech ëm Subside gehandelt, déi d’HORESCA fräi verwende konnt?
Falls d’finanziell Ënnerstëtzungen zweck- an zilgebonne waren, fir wéi eng Ziler goufe Subsiden ausbezuelt a wéi héich waren se jeeweils?
Ass fir d’Joer 2021 och virgesinn d’HORESCA finanziell ze ënnerstëtzen?
Falls jo, wéi vill Euro sollen ausbezuelt ginn a fir wéi eng Zwecker?
QP Nummer 4285
