ACCOUNT

Studentescht Wunnen zu Lëtzebuerg

Wunnraum ass zu Lëtzebuerg knapp a besonnesch Studente sinn dovunner direkt betraff. D’Universitéit selwer stellt laut hirer Websäit 1.070 Unitéite fir 6.423 Studenten zur Verfügung. Dëst entsprécht enger Quote vun 16,6%. Domadder steet Lëtzebuerg ronn 50% besser do ewéi Däitschland mat engem Schnëtt vun 9,9%, woubäi unzemierken ass, datt de Logement ee gudde Strapp méi deier wéi d’Wunnen an Däitschland ass a Studente meeschtens ee méi klenge Budget zur Verfügung hunn.

D’Uni Lëtzebuerg zeechent sech doriwwer eraus duerch een, mat 56%, iwwerduerchschnëttlech héijen Undeel un auslännesche Studenten.

An deem Zesummenhang hu mir der Regierung e puer Froe gestallt:

  1. Wéi héich ass den Undeel un auslännesche Studenten u Locatairen op der Uni.lu?
  2. Vu wéi vill Unitéiten Wunnraum, déi fir Studente reservéiert sinn an déi net vun der Uni.lu verwalt ginn, huet d’Regierung Kenntnis?
  3. Wéi vill nei Studentewunnengen sinn a Planung? Wéini kéinten dës fäerdeggestallt ginn?
  4. Em wéi eng absolut a prozentual Zuelen huet sech d’Offer u studenteschem Wunnraum an deene leschte 5 Joer entwéckelt? (Opgeschlësselt pro Joer an Typ vu Besëtzer, wéi z.B. privat, Gemeng, Staat)
  5. Wéi héich ass den Duerchschnëttsloyer mat deem e Student an engem ëffentlech gefërderte Logement rechne muss?
  6. Wéi huet sech den Duerchschnëttsloyer an deene leschte 5 Joer (pro Joer) entwéckelt?
  7. Wéi héich ass den duerchschnëttlechen Undeel um Akommes vu Studenten, dee fir d’Wunnen ausgi gëtt?
  8. Wéi vill Studente wunnen nach bei hiren Elteren?
  9. Wéi vill Studente wunnen am Ausland a pendele fir op d’Uni?
  10. Existéieren privat Operateuren, déi primär studentesche Wunnraum offréieren? Wa jo, wéi vill Unitéiten offréieren déi aktuell zesummen?
  11. Op wéi vill Unitéite schätzt d’Regierung de Besoin u studenteschem Wunnraum fir déi nächst Joren an?
  12. Leien der Regierung Erkenntnisser iwwert d’Notzung vun alternative Wunnformen duerch Studente vir? Zum Beispill “Wunne géint Hëllef”, Wunnkooperativen oder ähnlech Modeller?

Zesummenhang posts

De 25te Februar 2022 ass dat neit Denkmalschutzgesetz a Kraaft getrueden. Nom Artikel 18 vum Gesetz kann all Interesséierten an all Organisatioun eng Demande
Haut kruten d’Deputéierten aus der Justizkommissioun een Entworf fir ee Gesetz zu Vorratsdatespäicherung virgeluecht. D’Piraten schwätze kloer vun engem Staubsauger a plaidéiere fir d’Ofschafung
Verschidden Haushalter hei am Land gi mat Fernwärme versuergt, fir hir Wunneng oder hiert Haus ze hëtzen. Och hei sinn d’Präisser a leschter Zäit