PIRATEN wieren sech energesch géint nei Präisser an domat och méi héich Käschte beim Stroum! Eis Proposen de Leit hei finanziell ënnert Äerm ze gräifen ass vun der CSV an der DP refuséiert ginn! Merci der Regierung fir näischt!
D’Chamber vun den Deputéierten stellt fest:
- D’Regierung huet am Koalitiounsaccord festgehalen, dass si sech un den Nationalen Klima- an Energieplang (PNEC) géif halen, deen duerch eng Villzuel u Moossnamen d’Reduktioun vun den Zäregasemissioune soll erreechen;
- Fir Januar 2025 warnen den ILR an d’Stroumnetzbedreiwer d’Konsumenten, dass d’Käschte fir de Stroum ëm bis zu 30% wäerten erop goen. Duerch eng nei Formel bei der Berechnung vun de Netzkäschten riskéiere grad déi Leit, déi d’Energiewend ënnerstëtzen an a Wärmepompelen an Elektroautoen investéieren, finanziell benodeelegt ze ginn.
Aus dëse Grënn invitéiert d’Chamber vun den Deputéierten d’Regierung:
- bei der Berechnung vun den Netzkäschten ze berécksiichtegen an dofir ze suergen,
- dass Stéit, déi Stroum mat hirer Photovoltaikanlag produzéieren, net finanziell benodeelegt ginn, wann si bei schlechtem Wieder méi Stroum aus dem ëffentleche Stroumnetz verbrauchen.
- dass Stéit, wann si an eng Wärmepompel oder een Elektroauto investéieren, net finanziell benodeelegt ginn, well hiren Duerchschnëttskonsum u Stroum logescherweis duerch dës Investitioune wäert erop goen.
