An deene leschten Deeg sinn E-Mailen zirkuléiert mam Absender “Enquête App STATEC ” mam Sujet “STATEC Enquête /Ëmfro /Umfrage /Survey Covid-19 App”.
Mat dësem Mail goufen déi Betraffen opgefuerdert fir un enger Ëmfro betreffend d’Aféiere vun enger Covid-19 App matzemaachen.
Wien un der Enquête deelgeholl huet, kritt um Enn eng E-Mail mat ënnert anerem folgende Wuertlaut:
“Derzeit wird von den luxemburgischen Gesundheitsbehörden keine Rückverfolgungs-App empfohlen. Wenn Sie die App des Robert-Koch-Instituts installieren möchten, die auch in Luxemburg verfügbar ist, benutzen Sie bitte die folgenden Links:
Corona-Warn-App für iOS
Corona-Warn-App für Android
Falls Sie Bedenken in Bezug auf irgendeinen Aspekt der Studie zur Covid-19 Rückverfolgungs-App haben, wenden Sie sich bitte an [email protected]”
An der Äntwert op d’parlamentaresch Fro 2541 huet de Minister d’Echtheet vun dëser Enquête confirméiert an op d’wëssenschaftlech Onofhängegkeet vum STATEC higewisen.
An deem Zesummenhang hu mir der Regierung dës Froe gestallt:
-
Wien huet d’Texter vun den E-Maile validéiert? Wéi kënnt et datt de STATEC als ëffentlech Verwaltung Leit indirekt op eng spezifesch App hiweist?
-
Denkt de Minister net, datt den Hiweis op eng spezifesch App ouni virdrun deen an der Motioun vum 7. Mee gefuerdert an ugeholle legal Basis ze schafen, géint dës Motioun verstéisst?
QP Nummer 2605
