An verschiddene Lycéeë gi Chineesesch Coursë fir d’Schüler ugebueden. Dës Coursë gi vum “Centre de Langue et de Culture Chinoises du Luxembourg” (CLCCL) organiséiert. De CLCCL ass vun dem Chineeseschen Educatiounsministère unerkannt a schafft mat der Shanghai Normal University zesummen.
An deem Zesummenhang hu mir der Regierung dës Froe gestallt:
- Kann de Minister soe wéi hei séchergestallt gëtt, dass d’Coursen déi vun der CLCCL ugebuede ginn, onofhängeg vun de Positioune vun der Chineesescher Regierung sinn?
- Gëtt de CLCCL reegelméisseg kontrolléiert? Wa jo, wéi genau? Wa nee, firwat net?
- Ginn an dëse Sproochecoursen och Theme wéi d’Situatioun am Hong Kong oder vun den Uiguren thematiséiert?
- Wéi ginn aner Sproochecoursen, déi a Schoule vun externen Organisatioune mat Lien an d’Ausland gehale ginn, kontrolléiert?
QP Nummer 6967
