Virum Hannergrond vun e puer Pannen mat Autoen vun Tesla, wollten mir wëssen, wéi des Autoen an der aktueller Testphase vun der Police allgemeng ofschneiden.  

Am Folgenden fannt dir eis ganz Fro:

Den 22. Mäerz huet d’Press iwwert en technesche Problem mat engem vun den Tesla-Autoe vun der Police bericht. D’Pann an de Fait, datt de Police-Tesla huet missten ofgeschleeft ginn, waren anscheinend esou spannend, datt sech op der Géigespur souguer e Stau wéinst “Gaffer” gebilt huet.

An deem Zesummenhang wéilt ech dem Minister dës Froe stellen:

• Stëmmt et, datt d’Panne vum 22. Mäerz net den éischten techneschen Problem war, den Police mat engem vun hiren Teslaen hat?

• Wéi een Defekt war Schold un der Panne vum 22. Mäerz?

• Konnt de Problem vum Auto behuewe ginn, a gouf alles gemaach, fir datt sech esou e Virfall net widderhëlt?

• Kann de Minister scho soen, awéifern den Tesla sech an der aktueller Testphase als adaptéiert fir d’Missioun vun der Police bewärt huet?

Mat déiwem Respekt,

CLEMENT Sven

Député