Eis gouf zougedroen, dass et ëmmer erëm zu Signalementer wéinst Mëssstänn kënnt.
Dobäi soll et ëm de Verdacht vu sexueller Gewalt oder och physescher Gewalt géint Kanner goen. Zu dëse Signalementer soll et souwuel a staatlech wéi och private Foyere kommen, grad ewéi och a Crèchen, Maisons Relaisen, Schoulen an aner Institutioune fir Kanner.

An deem Zesummenhang hu mir der Regierung dës Froe gestallt:

1. Opgelëscht pro Joer a mat der Ënnerscheedung tëscht privaten a staatlech Strukturen, wéi vill Signalementer iwwer Mëssstänn a Foyeren, wéi zum Beispill iwwert de Verdacht vu physescher Gewalt oder sexuellem Mëssbrauch, goufen et zënter 2010?

2. Wéi vill Signalementer, opgelëscht pro Joer a mat der Ënnerscheedung tëscht de verschiddenen Zorte vu Strukturen, goufen et iwwer Mëssstänn vu sexueller oder physescher Gewalt a Crèchen, Maisons Relaisen, Schoulen an aneren Institutioune fir Kanner zënter 2010?

3. Wéi vill Enquête, opgelëscht pro Joer, goufen Opgrond vun dëse Signalementer ageleet?

4. Opgelëscht pro Joer, wéi vill vun dësen Enquête goufen ouni Suitte klasséiert?

5. Opgelëscht pro Joer, wéi vill vun dësen Enquête hunn zu Kontrollen a Foyere gefouert?

6. A wéi vill vun dëse Fäll lafen aktuell nach Enquêten?

7. A wéi ville Fäll ware Kanner betraff, déi a staatlechen Institutioune placéiert an ënnert enger Tutelle waren?

Verlaf an der Chamber

QP Nummer 7265