Sécherheet vun Gespréicher vu Ministeren

Dat opgehollent Gespréich tëscht 2 däitschen Generäl zu den Taurus Rakéieten huet fir vill Opreegung gesuergt. Mee net nëmmen d’Arméi leeft Gefor, fir een Zil vun Oplauschter-oder Hackingattacken ze ginn. Duerch déi méi onsécher international Situatioun gëtt d’Cybersecurity generell ëmmer méi wichteg, virun allem fir Entscheedungsträger beim Staat.

An deem Zesummenhang hu mir der Regierung dës Froe gestallt:

  1. An der Fro n°2246 hate mir d’Regierung schonn iwwert d’Risike vun der Kommunikatioun tëscht Ministeren op Whatsapp oder aneren net gesécherte Messengerdéngschter opmierksam gemaach. Deemools huet d’Regierung erkläert, dass:
    “”D’Benotze vu Messenger-Déngschter wei z.B. Facebook oder WhatsApp vun de Verwaltungen a Servicer, souwuel am Austausch mat de Bierger wei och an der interner Kommunikatioun, gëtt net vun der Regierung recommandéiert.””

    D’Situatioun ass haut, nom Ugrëff vu Russland op d’Ukrain, nach eng aner, wéi viru 4 Joer. Bleift d’Regierung dobäi, dass d’Kommunikatioun einfach nëmmen “net recommandéiert” ass? Oder sinn hei konkret Sécherheetsännerungen geholl ginn, déi d’Notzung vun net gesécherte Messengerdéngschter regelen?

  2. Wei gesäit Regierung de Risiko vu Fuitten am Kader vun der interinstitutioneller Kommunikatioun a wei plangt Regierung dës ze limitéieren? 

Verlaf an der Chamber

QP Nummer 423

Zesummenhang posts

D’Post bitt zënter 2023 de Service vum online Recommandé un, mat deem ee Bréiwer iwwert den elektronesche Wee kann un een Destinatäre fortschécken. D’Post
A menge parlamentaresche Froe n°3813 an 3927 hat ech op d’Situatioun vun Déierenbesëtzer um Wunnmarché opmierksam gemaach, wou et virkënnt, dass Locatairen verbuede kréien,