Schléissung vu weidere Post-Guicheten, och zu Rodange?

Published by Marc Goergen on

Aus de soziale Medie gëtt ee gewuer, dass d’Post aktuell ee Flyer verdeelt, fir erauszefannen, wéi oft de Postbüro zu Rodange benotzt gëtt. An der Vergaangenheet goufe jo schonns eng zech Filialë komplett zougemaach, wat fir Onzefriddenheet bei ville Biergerinnen a Bierger gesuergt huet. De Minister hat den 2te Mäerz 2022 an der Äntwert op d’parlamentaresch Fro n°5663 geschriwwen, dass d’Post-Filiale zu Déifferdeng net wäert zougemaach ginn an och nach eng zu Belval opgemaach soll ginn. Fir Mëssverständnesser aus dem Wee ze goen, wier et gutt, wa gewosst wier, op wéi eng Changement d’POST-Clienten sech an Zukunft mussen astellen, wa weider Büroen zou ginn.

An deem Zesummenhang hu mir der Regierung dës Froe gestallt:

  1. Weess de Minister, wéi vill Postbüroen 2022, 2023 an 2024 wäerten zoumaachen? Ëm wéi eng Filialen handelt et sech?

  2. Weess de Minister, wéi vill nei Postbüroen a Point POST 2022, 2023 an 2024 wäerten opmaachen? Ëm wéi eng Filialen handelt et sech?

  3. Kann de Minister bestätegen oder widderleeën, dass de Postbüro zu Rodange seng Diere wäert zoumaachen?

Verlaf an der Chamber

QP Nummer 6189


Marc Goergen

Koordinator Piratepartei

0 Comments

Leave a Reply

Your email address will not be published.

This site uses Akismet to reduce spam. Learn how your comment data is processed.