De 25ten Abrëll koum et zu Esch zu enger “Schlackenstaub”-Wolléck, déi duerch d’Aarbecht vun ArcelorMittal op hirem Site zu Belval verursaacht ginn ass. D’Mataarbechter vun der Firma hunn laut Tageblatt den Dag selwer Prouwen geholl. D’Awunner, d’Ëmweltverwaltung an den TICE, déi vun der Wolléck an der Verschmotzung betraff waren, fuerderen laut Artikel Arcelor op, fir d’Verschmotzung ze botzen respektiv fir fir d’Botzaktioun finanziell opzekommen.
An deem Zesummenhang hu mir der Regierung dës Froe gestallt:
-
Huet d’Ëmweltverwaltung hei scho Réckmeldung op hir Fuerderung kritt, datt Arcelor d’Botzaarbechte bezuelt? Wa jo, wat huet ArcelorMittal matdeele gelooss?
-
Wéi steet d’Regierung zur Fuerderung, datt de Schlackegruef misst iwwerdeckt ginn, fir datt esou Wolleken net weider kënnen entstoen?
-
Wäert d’Ëmweltverwaltung hei weider intervenéieren?
QP Nummer 672
