FRO.LU: Santésservicer am Summer

Eng Fro gouf gestallt op fro.lu.

An de Summerméint profitéiert eng Villzuel vun de Residente vum normalerweis gudde Wieder, fir Congé ze huelen a sech vun der Aarbecht z’erhuelen. Och wann dëse Summer d’Covid Zuelen ee gutt Stéck iwwert deene vum leschte Juli/August louchen, war och am Santésberäich eng Entspanung z’erkennen par rapport zu de Wanterméint, esou dass och hei d’Personal profitéiert huet, fir sech e wéineg Congé ze huelen.

An deem Zesummenhang hu mir der Regierung dës Froe gestallt:

  1. Wéi ginn an de Summerméint d’Servicer vun de verschiddene Spideeler ënnerteneen ofgestëmmt, fir all néideg Traitementer vun de Patienten am Land z’assuréieren? Ginn an deem Kontext all Joer landeswäit Pläng ausgeschafft, oder läit dës Responsabilitéit eleng bei den eenzele Spideeler?

  2. Ginn d’Patienten am Fall wou hiren Dokter net erreechbar ass, automatesch vun der Spidolsadministratioun un aner Doktere weidergeleet oder läit et um Patient selwer, fir een adequaten Ersatz ze fannen? 

Fro n°4905

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 4905

Zesummenhang posts

Geschäfter, déi zu Lëtzebuerg wëllen Alkohol verkafen, brauchen dofir eng Schanklizenz (Licence de cabaretage). D’Gesetz vum 29 Juni 1989 portant réforme du régime des
Als politesch Reaktioun op d’militäresch Invasioun vun der Ukrain duerch Russland, hunn d’EU-Staaten wirtschaftlech Bestrofungen géint Russland decidéiert, dorënner een Importverbuet vu Pëtrol. D’Plattform
Am Gesetz vum 1ten August 1972 an den dozou gehéierende Reglementer ass festgehalen, dass d’Äsche vu Verstuewenen nëmmen dierfen op ausgewisene Plazen opgehuewe ginn.