Den 24. Abrëll huet d’Plattform JIF 2020 (Journée internationale des Femmes) een Appell un d’Regierung an un d’Deputéierten addresséiert, fir verschidde sozio-ökonomesch Donnéeën z’erhiewen an ze verëffentlechen, fir op déi Mannéier kënnen Analysen ze maachen iwwert den Impakt vun der COVID-19 Kris op déi eenzel Geschlechter an Akommensschichten.
An deem Zesummenhang hu mir der Regierung dës Froe gestallt:
-
Huet d’Regierung Kenntnis vun dëse Fuerderungen ?
-
Plangt d’Regierung den Demanden vun dëser Plattform Rechnung ze droen?
-
Ass d’Regierung der Meenung datt dës Donnéeën als “Open Data” sollten verëffentlecht ginn?
-
Wéi laang schätzt d’Regierung, datt se wäert brauchen, fir dës Donnéeën z’erhiewen, ze verschaffen an ze publizéieren?
QP Nummer 2096
