ACCOUNT

Saisie op d’Remboursementen vun der CNS

Am Rapport 2020 vum Ombudsmann gëtt e Fall thematiséiert, an deem d’Steierverwaltung eng Saisie op d’Remboursementer vun Dokteschrechnunge gemaach huet, fir eng Steierschold bei enger Persoun anzedreiwen.  Och wann ee Remboursement vun der CNS ee Revenu duerstellt, esou ass dach ze bedenken, dass d’Remboursementer d’Zil hunn, dass keng Persoun zu Lëtzebuerg soll op medezinesch Versuergung verzichten opgrond vu Geldmangel. Saisien op de Remboursementer vun de Krankekees kéinten d’Bierger zwéngen, manner gesondheetlech Traitementer an Usproch ze huelen an hier Gesondheet vernoléissegen ze mussen. 

An deem Zesummenhang hu mir der Regierung dës Froe gestallt:

  1. Wéi oft goufen an de vergaangene Jore Saisien op Remboursementer bei der CNS gemaach? Wéi vill Sue goufen hei all Joer saiséiert?

  2. Ass d’Regierung der Meenung, dass Saisien op Remboursemente vun der CNS mat hire gesondheetspoliteschen Ziler vereenbar a moralesch vertrietbar sinn? 

  3. Wäert d’Regierung dofir suergen, dass d’Saisien op Remboursementer vu Krankekeesen ofgeschaaft oder begrenzt ginn?

Verlaf an der Chamber

QP Nummer 5335

Zesummenhang posts

Ahoi ! Natierlech goufe wéi ëmmer och vill parlamentaresch Froe gestallt a beäntwert. Wéi ëmmer leie bei enger Rei parlamentaresche Froe schonn d’Äntwerte vun der
Zu Rodange läit hannert den Tankstelle bei der Grenz nach eng grouss fräi Fläch vun 13 Hektar, déi als Zone d’Activités Grand Bis klasséiert
Ahoi ! Am Oktober ass d’Chamberjoer erëm offiziell ugaangen an den Premier huet seng Ried zum Etat de la nation gehaalen. Natierlech hunn och