Duerch den Ugrëff op d’Ukrain duerch dem Putin säi Regimm hunn schonn honnerten Zivilisten hiert Liewe verluer a Milliounen hunn hiert doheem musse verloossen. Elo ass et awer esou, dass net all russesche Staatsbierger mat dësem Krich an den Decisioune vum Kreml averstanen ass. Trotzdeem gouf et, nieft de Sanktioune géint de Regimm an seng Vertrieder, och Decisiounen, déi de russesche Konscht- a Kultursecteur betraff hunn. Esou wéi zum Beispill d’Verdecke vun der Statur vum Juri Gagarin zu Munneref oder d’Spärung vu Russesche Filmer beim lëtzebuerger Filmfestival.
An deem Zesummenhang hu mir der Regierung dës Froe gestallt:
-
Wéi muss mat der russescher Kultur an den Ausdréck vun dëser Kultur duerch Film, Konscht a Statuen an den Ae vun der Madamm Ministesch ëmgaange ginn?
-
Wéi steet d’Madamm Ministesch zu engem kategoresche Verbuet vu russescher Kultur? Denkt d’Madamm Ministesch net, dass een hei ganz kloer tëscht kremlfrëndlechen an onofhängege Kënschtler a Konschtgéigestänn misst ënnerscheeden?
-
Wäert d’Madamm Minister op Gemengenniveau intervenéieren, fir de Gemengen des Nuancë méi no ze bréngen?
-
Wéi soll an den Ae vun der Ministesch mat Statuen ëmgaange ginn, déi een Zesummenhang mat Russland hunn? Wëll d’Ministesch hei Krittäre festleeën, fir willkürlech Decisioun ze vermeiden?
Source Foto: https://www.google.com/maps/place/Yuri+Gagarin+Portrait+Sculpture/@49.5009354,6.2824279,3a,75y,90t/data=!3m8!1e2!3m6!1sAF1QipNMKVs0J2UaBtPSlZTnl0O1gGbRBj5M1igcq50p!2e10!3e12!6shttps:%2F%2Flh5.googleusercontent.com%2Fp%2FAF1QipNMKVs0J2UaBtPSlZTnl0O1gGbRBj5M1igcq50p%3Dw203-h152-k-no!7i4160!8i3120!4m5!3m4!1s0x47953f9feaf94f85:0xd45c7d215b81927e!8m2!3d49.5010343!4d6.2821267
QP Nummer 5960
