De Répertoire analytique du droit luxembourgeois (RADL) war en Online-Repertoire, deen d’Gesamtheet vun de lëtzebuergesche Gesetzer a Reglementen enthalen huet, an dës ob Wonsch och no Matière sortéiert oder ob Basis vu Stéchwierder duerchsicht huet. Aktuell ass dëse RADL fir de Public awer net méi iwwer Internet accessibel. 

An deem Zesummenhang hu mir de Ministere fir Digitalisatioun & Justiz des Froë gestallt:

1. Gesäit d’Regierung fir, deemnächst eng nei Versioun vum RADL opzestellen, déi de Bierger dann erëm zur Verfügung stoe wäert?
2. Falls nee: Gesäit d’Regierung fir, deemnächst en neien Online-Repertoire auszeschaffen, fir de RADL ze ersetzen?
3. Wéi well d’Regierung de Bierger wärend der Iwwergangszäit, d. h. an där Zäit bis en Tool wéi de RADL erëm online ass, erméiglechen en iwwersiichtlechen Accès op déi d’lëtzebuergesch Gesetzgebung ze hunn?

Mat déiwem Respekt,
Sven Clement
Député