Eis gouf zougedroe, dass an de leschten Deeg op dem belsche Radiosender “Classique 21” Reklamme vun der Société Nationale des Habitations à Bon Marché (SNHBM) ze héiere waren, fir hire Wunnengsprojet Elmen zu Lëtzebuerg ze promouvéieren.
An deem Zesummenhang hu mir der Regierung dës Froe gestallt:
-
Wat sinn d’Grënn, firwat d’SNHBM op engem belsche Radiosender Reklamme schalt? Ginn och op aneren auslännesche Chaînë Reklamm fir dëse Wunnprojet gemaach?
-
Wéi héich sinn d’Käschte fir dës Reklamm-Campagne?
-
Wéi eng Zilgrupp soll mat dëser spezieller Reklamm-Strategie erreecht ginn?
-
Ass dëst Deel vun enger méi breeder Strategie, fir och Leit aus dem Ausland fir Wunnenge vun der SNHBM zu Lëtzebuerg unzezéien?
-
Wéi steet dëst am Aklang mat der primärer Missioun vun der SNHBM, bezuelbare Wunnraum fir d’Lëtzebuerger Residenten ze schafen?
QP Nummer 2344
