Eis ass e Fall bekannt, wou eng Persoun een neie Smartphone wollt kafen.Dës Persoun huet dowéinst no engem passende Geschäft gesicht an huet an der Vitrinne vun engem Buttik ee Smartphone gesinn, deen de Krittären entsprach huet. Beim Smartphone war e Schëld, op deem de Präis affichéiert war. Nieft dem Präis waren awer weder weider Konditiounen affichéiert, nach gouf mat engem Sonderzeechen wéi engem Asterisk op spezifesch Verkafsbedéngungen higewisen. Ganz am Contraire gouf e Präis “hors forfait” affichéiert. Am Buttik selwer gouf dunn dem Client de Verkaf refuséiert, mat der Begrënnung, de Verkaf vum Smartphone wär just fir Clientë reservéiert, déi bei hinne schonn een Abonement ofgeschloss hätten. Clienten ouni Abonement dierften de Smartphone awer net kafen.
An deem Zesummenhang hu mir der Regierung dës Fro gestallt:
-
Kann ee Geschäft enger Persoun de Verkaf vun engem vun hire Produite refuséieren? Wa jo, ënnert wat fir Konditiounen ass dëst méiglech respektiv wat fir Virschrëfte mussen hei vum Buttik beuecht ginn?
QP Nummer 1850
