De Code de la Route gesäit vir, dass d’Vitesslimitatioun op den Autobunne bei Nidderschlag vun 130km/h op 110km/h erofgesat gëtt, well bei naasse Stroossen de Bremswee méi laang ass wéi op dréchene Stroosseverhältnisser. An der Äntwert op meng parlamentaresch Fro n°1380 hat de Mobilitéitsminister geschriwwen, dass “d’Schwellewäerter vun de mobille Radare gi systematesch ëmgestallt wann d’Wiederkonditiounen dëst erfuerderen.”
An deem Zesummenhang hu mir der Regierung dës Froe gestallt:
-
Wéi ginn d’Schwellewäerter vun de mobille Radare geännert? Mussen d’Polizisten dofir op d’Plaz, geet dat mëttlerweil och schonn digital aus der Distanz oder mécht de Radar dat automatesch?
-
Bei wéi vill Nidderschlag ginn d’Schwellewäerter ugepasst?
QP Nummer 8301
