D’Parteileedung vun de PIRATEN hëllt d’Berichterstattung zur Kenntnis, déi iwwert d’parlamentaresch Fro n°1793 vum Deputéierte Sven Clement iwwer d’Dokteraarbecht vun der Prinzessin Claire geschriwwe gouf.

D’Ofsiicht hannert der parlamentarescher Fro war et, fir dat gesondheetspolitescht Thema vun der Organspend ze stäerken. Am Interessi vun der ëffentlecher Gesondheetsdiskussioun wier et ze begréissen, wann esou wichteg Aarbechten am Allgemengen enger méi breeder Ëffentlechkeet zougänglech gemaach géif ginn. Fir esou dat liewenswichtegt Thema Organspenden ze promouvéieren.

D’Parteileedung wëll heimadder d’Positioun kloerstellen, dass d’Partei an eng grouss Majoritéit vu senge Membere weiderhi kloer zur lëtzebuergescher Monarchie steet an d’Legitimitéit vun der Monarchie souwéi der groussherzoglecher Famill a kengster Weis a Fro stellt.