Bei der Erëffnungssëtzung vun der Chamber no de Wahlen am Oktober 2023 huet den provisoresche President vun der Chamber a senger Ried dorop higewisen, dass d’Qualitéit vun de Gesetzestexter ofgeholl huet. Beim Neijoschpatt vum Staatsrot huet de President vun dëser Institutioun ebenfalls op dës Problematik verwisen. De President vum Staatsrot huet sech dofir ausgeschwat, dass hei Ännerunge kommen.
An deem Zesummenhang hu mir der Regierung dës Froe gestallt:
-
Wat wëll dës Regierung konkret géint dëse Problem maachen?
-
Wat ass d’Positioun vun der Regierung zu der Iddi, fir ee Service de légistique ze schafen an deen an engem Ministère unzesidelen, fir dass dësen all Projets de loi misst pour avis et correction kréien, fir d’Qualitéit vun den Texter ze verbesseren an de Staatsrot ze entlaaschten?
