Projet “Digital Skills”

Am PRR (Plan pour la reprise et la résilience) vun 2021 huet d’Regierung de Projet “Ditigal Skills” virgestallt, ee Projet, bei deem all Persoun, déi tëscht dem 1.01.21 an dem 31.03.21 am Chômage partiel war, ee Bong vu 500€ krutt, fir digital Weiderbildungscoursen. Dofir kruten déi Betraffen ee Bréif mat engem Code, mat deem se sech iwwert Guichet.lu Coursen eraussiche konnten. Et soll hei drëms goen, dass dës Persoune kënnen “compétences numériques de base” erléieren. Dës Course sollte bis Dezember 2021 ofgeschloss ginn. Laut PRR si 40’000 där Bréiwer eraus goen. D’Regierung huet sech als Zil gesat, dass 11’700 Persoune vun dëser Mesure profitéiere géifen.

An deem Zesummenhang hu mir der Regierung dës Froe gestallt:

  1. Wéi vill Persounen hu Gebrauch vun dësem Bong gemaach?

  2. Laut PRR si Persounen, déi matgemaach hunn, och no hire sozio-ekonomesche Krittäre gefrot ginn, ewéi hiren Alter, Wunnuert, Aarbechtssecteur a Salaire.  Kann de Ministère d’Resultater vun dësem Questionnaire virleeën? Wat fir Konklusiounen zitt de Minister aus dem Profil, deen sech bei dësem Questionnaire erginn huet?

  3. Wat fir “compétences numériques de base” hunn d’Persounen, déi vun dëser Offer profitéiert hunn, sech ugëeegent? Wat war hei déi Kompetenz, déi un déi meeschte Persoune vermëttelt gouf?

  4. Wat war de schlussendleche Käschtepunkt fir dëse Projet?

Verlaf an der Chamber

QP Nummer 5866

Zesummenhang posts

Fir d’Sécherheet an eiser Gesellschaft ze garantéieren, brauch et ee staarke Rechtsstaat. Ee staarke Rechtstaat bedeit, dass Strofdoten erkannt, verfollegt a sanktionnéiert ginn. De
Universitéits- an Héichschouldiplomer, déi een am Ausland erhält, muss een zu Lëtzebuerg an de Registre des Titres androe loossen, wann een se hei am
An engem Interview mat RTL huet de Wunnengsbauminister wësse gedoen, dass de Staat wäert 2 Projeten an der Stad an am Süde vum Land