An de vergange Woche goufen d’Residenten an och d’Personal aus Alters-a Fleegeheemer géint de Covid-19 geimpft, wa si dëst wollten. Well et net méiglech war, all d’Bewunner aus de Strukturen gleichzäiteg ze impfen, huet missten eng Selektioun gemaach ginn, wéi eng Häiser virun aaneren un den Tour kommen.
An deem Zesummenhang hu mir der Regierung dës Froe gestallt:
-
Kann d’Regierung eis eng Lëscht ginn, op där d’Alters- a Fleegeheemer an och d’betreite Wunnstrukture fir eeler Leit der Rei no opgelëscht sinn – ugefaange bei deem Haus, wat als 1. geimpft gouf, an opgehale mat deem, wat als lescht um Tour ass?
-
Kann d’Regierung dëser Oplëschtung Erklärungen dobäifügen, aus deene jeeweils ervir geet, firwat ee konkret Haus virun engem aneren un d’Rei koum?
Fro 3917
