Pressekonferenz wärend enger Séance publique

Published by Sven Clement on

De Premierminister an d’Gesondheetsministesch beruffen um Mëttwoch, den 1te Juli 2020 um 15:00 Auer eng Pressekonferenz an, fir dem Public d’Aarbechten aus dem Regierungsrot ze presentéieren. 

Parallel zu dëser Pressekonferenz ass fir 14:00 Auer eng Séance publique vun der Deputéiertechamber ugesat. Et wäert fir d’Biergerinnen a Bierger kaum méiglech sinn souwuel d’Pressekonferenz vun de Regierungsvertrieder an d’Chamberséance am gläichen Zoch ze suivéieren. 

An deem Zesummenhang hu mir der Regierung dës Froe gestallt:

  1. Wéi stitt Dir zu dësem Fait? 

  2. Gedenkt Dir an Zukunft d’Pressekonferenzen esou ze plangen, datt se mat der Sitzung vun der Chamber laanschtenee ginn, wëssend, datt dem demokrateschen Debat a Krisenzäite misst eng prioritär Bedeitung ageraumt ginn ?

Verlaf an der Chamber

QP Nummer 2459


0 Comments

Leave a Reply

Your email address will not be published.

This site uses Akismet to reduce spam. Learn how your comment data is processed.