Présentatiounen vu Bauprojeten am Gemengerot

Am Gemengerot vum 22te Mee 2020 hu sech fraktiounsiwwergräifend d’Gemengeréit geäussert, dass mir als Gemengerot méi Informatiounen zu grousse Bauprojete brauchen an och méi Zäit, fir déi Dossiere kënnen ze analyséieren an ze bewäerten, well nëmme mat genuch Informatiounen an Zäit kënne mir am Gemengerot eng gutt iwwerluechten Entscheedung treffen.

Esou wéi den Artikel 25 vum Gemengegesetz et virgesäit, hu mir dem Schäfferot an deem Zesummenhang folgend Froe gestallt:

1. Wéi gesäit de Schäfferot a Buergermeeschter d’Iddi, datt bei all groussem Projet (ab enger Valeur vu 5.000.000€) mindestens 14 Deeg am Viraus Zäit kréien, fir den Dossier vum Projet ze gesinn an analyséieren ze kënnen, dat um digitale Wee?

2. Ass de Schäfferot a Buergermeeschter averstanen domadder, bei grousse Projeten (ab enger Valeur 5.000.000€) den Architekt an d’Sëtzung ze invitéieren, fir dem Gemengerot an enger getrennter Präsentatioun de Projet ze erklären?

3. Wéi fënnt de Schäfferot a Buergermeeschter d’Iddi bei gréissere Renovatioune vu Gebaier (ab enger Valeur vu 5.000.000€) nach virun der Entscheedung am Gemengerot eng Visitt vum Gebai ze organiséieren?

Zesummenhang posts

D’Office Sociaux’en hei am Land leeschten ee wichtegen Déngscht, fir deene Leit, déi et hei am Land finanziell net iwwert Ronne packen, ënnert d’Äerm
An mindestens engem Foyer fir Leit déi op Lëtzebuerg geflücht sinn elo am Wanter Zoustänn, déi esou fir Kanner an och Erwuessener net gutt
Lëtzebuerg fir d’Zukunft stäerken. Dat geet nëmmen, wa Lëtzebuerg energiepolitesch esou onofhängeg wéi méiglech ass. Dofir muss virun allem de Staat mam gudde Beispill